Heaven Knows

 

In drome dans ek jou in three-dee

tot in die stiltes voor die dagbreek in
Waarheid wat koud en naak lê

agter die sluier van my eie maaksel 
Daar waar geen ander oog kan observeer, 
slegs ek ken die oomblikke van gesteelde geluk –

 

en ek roep jou naam sonder stem
en ek bid die malle-seer weg sonder kniel 
en ek huil my trane na binne waar verwyt my hart verniel
en ek vat hier en ek los daar 
en ek dink die dieptes in 
en ek kyk vlak en ek kyk hoog,
maar God weet alleen waar ek moet heen 

 

My koffers geplunder en verniel om jou uit te sny –
soos oorbodige bagasie,
maar steeds bly JY

my inwors in jou derms in
my keer op keer offer op jou altaar van bitterheid

 

Roerloos in die eggo van jou stem
Verlam deur die reuk van jou lyf 
Gevangene van jou retina

Kanniedood, kannieleef, kanniedink. 

 

Here help my!

Heaven Knows.